عيونك عوادي سود ياستار

بسم الله الرحمن الرحيم
اقدم لكم قصيدة اخرى من قصائد الشاعر اسماعيل الورفلى التلماتى
اليكم

عيونك عوادي سود ياستار= يالابسه الاصفر كوتني نار

كوتني نارك =جميلة وحد الزين الله ايبارك

ياريت نعرفه اسمك ونعرف دارك= نصبح علي زولك في كل نهار

ونسكن احداكم دوم نبقي جارك=ونفطن علي شانك من الافجار

خداني المعصم وين دار فيه اسوارك=وخزرة اعيونك والرموش اكبار

جسمك رشيق وزاد فيه سمارك=وخدك ضوي بالحيل دار شرار

كوتني كيه=دنيا اسماها والاصل شرقاويه

لاهي طويله لاقصيرة اشويه =ولا هي اسميرة ولا كما الجمار

ولاهي سمينه بالشحم ممليه =ولا ارقيقه لين تشبه المسمار

ولاش كلها يوحي خبيتة نية =ولا طيبه لين تستحي من المار

كل شي فيها وسط هالبنية=الا الزين فيها يخطف الابصار

وفي العلم تقري في ثانية كلية=اف حاسوب اخر علم وابتكار

عيونك عوادي سود ياستار =يالابسه الاصفر كوتني نار

منور شاعر تسلم ايدك

مشكور على القصيدة الحقيقة ابداع

مشكور