شاريك بعتي شر كافيتيني

بسم الله الرحمن الرحيم
اقدم لكم تانى قصيدة للعم العزيز الشاعر اسماعيل الورفلى
اقدمها لكم وانتضرو المزيد

شاريك بعتي شر كافيتيني=انبيعك وماسومك ايخلص ديني
شاريك بعتي صوبي=وقلتي معاك انت قسم مكتوبي
بعدين خالفتي سبيل ادروبي=اصبحتي معا الايام راخيتيني
الي قبل من شوقك قريب ادوبي =وترجي نهار انجيك وتلاقيني
زمان وين ماجرك الطاف اسلوبي=جيتي بلا رادات طاوعتيني
وقلتي بعالي صوت يامحبوبي =غلاك شايلاته فوق راسي وعيني
الا اليوم شلتي ع الذنوب اذنوبي=خنتي غلاي وبيك عذبتيني

شاريك درتك غايه= وشاقي معا الايام يامشكايه
ماكنت نحسب تتركيه غلايه=ايغرك المال ومضهره تنسيني
ولا ناالي داير امعاك اسوايه=لين في غلايه تطعني تجفيني
وني وين مايطروك دوم حدايه=تنزل بلا تعطيل دمعت عيني
لكن بعد درتي العيب معايه=بردن نواريني ومااتهميني
وطالب من المولي عليك ادعايه=ايجنك مصايب تحزني واتنيني
بنار تاكله غوشك ولا طفايه= ايطفو ولا الانقاض الارجنتيني
لين ينتهي يكمل ايريح شضايه=بيتك وهلي بيه بدلتيني
وجهك امشوه نايحه بكايه=الي اتجيه بيعافك ايقول خطيني
وتبقي اتقولي دوم ياداوايه=منهو الي منكم ايرجع زيني
ويبدن ايديك امكويات عرايه=غثيثك رماد وتذبلي وتشيني
ووين تشبحي وجهك علي المرايه =تلفاك دوخه والاخبار اتجيني

شاريك يالدعيه = وصابر علي ماصار منهم فيه
ناسك الي دارو معايه السيه=كذبو عليك وحاولو تلييني
واجد الي داروه موش اشويه= الا دكر ماداروه ماايسليني
خلوك تنسي تتركي طاريه=خديتي دبايرهم ولوحتيني
مااتقول كانت كابره وقويه=ناري معا قلبك منين تبيني
الا اليوم تمت هامده مطفيه=طفيت شموعي وين ماهنتيني
جيتك وكامي شوق يالدهيه=اسلوبك البارد بيه فاجئتيني
ماكنت متصور اتمدي ليه= فنجان قهوه بعد سيبتيني
والا افعالك دوم عكس النيه=نيتك سواد وفعلك ايزهيني
غرامك القيته غير ثمثيليه= وضاعن ورا صوبك ازهور اسنيني
العبتي ادوار الشر يالبنيه=وكنت الضحيه فيه حطمتيني
ماانسامحك يشهد الله عليه=لين من الدموع اتكف تنشف عيني

شاريك بعتي شر كافيتيني= انبيعك وما سومك ايخلص ديني

ورفلى كلها منورة

مشكووووووووووور

بى وجودكم تحياتى لكم

مشكووووووووووور

مشكور