ماعد عرفتك كيف ؟؟؟؟؟؟؟؟

ما عد عرفتك كيف ؟؟؟؟؟

مره حقيقة واضحة .... ومره خيال وطيف
مرات تقرب منى .... ومرات تبعد عنى
ومرات غيمه ماطره .... ومره سحابة صيف

ساعة تصافى و ساعة تجافى
شمتت فيا الناس
حيرتني حيرة في الظن الغيره.......بين الرجاء و اليأس

عندك أوقات حبيب .... و أوقات بين وبين
وعندك أوقات تغيب .... ما عد تشوفك عين
مره نشوفك واحة
ظل ونخل و أصحاب
وين ما نقرب منك .... نلقاك غير سراب
ومرات نجمه باينه.... أدل الغريب الضايع
ومرات حاجه هاينه ..... للي شراء و البايع

ساعة عليا اطل.... و نقول أنت وبس
وساعات منى أتمل... كيف الغريب انحس
ومرات أغلى الناس .... و مرات كيف الضيف