للاسف هذه حقيقة المراه الليبية قبل وبعد الزواج

مااتشوفها .....اووووووووووو COOL...ولما تخطبها اتحس روحك في سعادة كبيرة ....
اول موعد ....الرشاقة والجمال والاسلوب والعقل 100/100
تهدرز معاها على الحياة في المستقبل كيف بتكون ....المساعدة والتحمل والصبر
وتلقاها مستجيبة وموافقة على كل شي

العرس و الفرحة لكبيرة
نص دينك يا MAN
ليلة العمر ....بعدهااا بيوم واحد بس....يوم واحد بس

ينقلب الوضع ....اول حاجة اتقولهالك ... ارفعني لحوش اماليه
نبي انشوف امي .......وتبدى اتسبح في الدميعات ....ارفعني نبي انشوف ماما....يا ودي متجيش ...شني بيقولو اماليك ..اكيد بيقولو ضايقهااا ...اتقولك شي توا توا نبي نمشي

ابترفعها متجيش عاد
وتبدى القصة 3 مراة في الاسبوع (حوش العيلة ) وإنتا شدها اصيام في هادي الايامات ...صيم عادي ..إنقولك نصيحة خليها ( سبت واتنين وخميس)...منها تكسب الاتنين والخميس سنة
وإلا إنقولك ....تعالى وقت اللغدي لحوش انساباتك وهيا توتيلك لغدي واتمدهولك من قدام الباب
روح بيه لي الحوش وكولة زي ليتيم....عادي يا راجل LOOOL
وفيه حل تاني ....برى لامك توكلك ....ماك إنتا عازب باقي ايام الاسبوع ....متزوج نص اسبوع والباقي تصرصير

لا وخليك ...لما كنت في مرحلة الخطوبة ....الرشاقة ميزتها ..
بعد اسبوع ....تلقا روحك راقد في حاشية السرير ...قريب اطيح
تتفرقع عليك تقول لغم .. ويتغير شكلها ...اتقول كانت امدايرة HIDDEN لبطنها وبعدين لغة الاخفاء

شهيتها مفتوحة ...ماهو تجوزة خلاص .

وكانك امروح فاد من الشارع وتبي تهدرز عليها ...(يعني زوج لزوجته ) ياتلقا صنتها تومة ....اويا تلقا عالق في اسنونها قشرة هريسة ...
وإلا متعشية فتوش(سلاطة + بصل +خبزة مصرية امحمصة )
ملاحظة،،،
( سلاطة خص + بصل = شوف روحك )على اساس رجيم ...

اويا امدايرة حنة في يدها
اويا امحنية شعرهاا ....اويا امدايرة MASK على وجه
( خليط ادقيق+خيار+بصل )وااااااااااااااااااك

شورهم يولاد ميتفرجوش على افلام اجنبية ...

(Angelina Jolie & Milla Jovovich) و جوليا روبرت
وااااك من الرشاقة لين القفطان بيطيح يا راجل

لاوشني
لما تبدى ماشية لي عرس ....تلقاها على سنقة 10 ...هذاك الاحمر والاخضر ولابسة
ولما تبدى في الحوش (غــــــــــــــــــــولــــــــــــــــــــــ ـة )
لين تخاف ...اتقول متزوج (واحد ميت) ...تي كيف مالا اتفسرو هربت الرجالة من احياشهم والصهريات لين الساعة 1 في الليل ....يقعد برى الحوش لعند ما يتاكد انها رقدت

لا كله كوم وقصة التوحيم كوم تاني ..وااااااك
التوحيم ماعندنا ما انقولو فيه ( حاجة ربي )

معاش فيه جو تتوحم على فراولة ولا علي موز ولاعلى دلاع

اول ما تتوحم تتوحم على راجلها ...
.صنتك افييييي ...اخييييييييييييي . ..اعيييييييييييييييييييييييي...
تي يا ودي والله توا كيف امدوش ....لا نبي حوش اماليا ...معاش نقدر نتحمل
تلقا روحك 3 شهور شادها اتصرصير من حوش لي حوش
اتخاف اديرلها زيارة ....وكان درتلهااا زيارة رد بالك خلي مسافة قانونية بينك وبينهاا ....خليها واقفة في الستة امتع الحارس وإنتا اوقف في نص الميدان ....وفيه فكرة تانية كان تبي تطمن عليهااا
سجلهااا شريط قللهاا فيه كل شي تبي تعرفة وهيا اترد عليك بشريط تاني



ومازال ...الجياب ولولاد .
لما يجو لولاد (byby)هذاك الوقت بس تحس بيروحك ضعت
وووووووووووووووووووووو
ووووووووو
وووه

مشكوووووور والله كلامك صحيح بس مش على كل البنات الليبيات هكي

اولا مشكورة على الرد
تانيا انا مااقصد ان كل البنات هكي

كلام مزبوط صح مش كل الليبيات هكي لكن الغالبيه العضمى هكي واحنا ليبيين وداخل المجتمع ولامناص للانكار شكرا اخي عبدو على الموضوع ومزيدا من التالق