[justify] أحلى المسجات ليبيه
مازال عندي صبر ومازلت نكمى فى امواج غبر ومازلت للياسات حافر قبر لكبار الكواين واتيين اوتاء ومازال عندي كسر يبي جبر لكسر الخواطر مالقيت دواء ومازلت ناخد من حياتي عبر بين الجفاء وهم ومعاناء.
*- سلام سامى سما فوق السما جوه !! سلام شارق بارق غارق فارق خارق حارق طارق بابه بقوة !! سلام دايم حايم غايم عايم قايم هايم صايم شامل من كثر نوه !! سلام مطر معطر مقطر للغالي اللي أستلم توه !
*- صدام جيشا خانه ونا خاني ريدي عليك عفانه ! لصدام صارت بيعه ونا باعني ريدي وكنت ربيعه يحلف بعمرى وهو سبب تضيعه .. دفني وجاء يبكي مع الدفانه .
*- فايت حده .. وهو بالعصر مليان مايجده .. هكى منابت والديه وجده .. ونفسه عزيز للمكارم عابدة .
*- اضلوعى كسر .. وضاق النفس فى حالتي متعسر .. ماهيش حلمه ليك فيها أنفسر أمرار م فى الريق حنظل ناخده .
*- يعنى كيف أظروف صايرة نبيلها تعريف اللي حنون طبعة ايصير عنيف .. يخالف ارياي عنوة وما يسمعني.. لذيد اللوجاب وفى الاسلوب لطيف.. يقسا معاي ابكلمته يلسعني !
*- عم ياجميل العين والتوصيف ليك دايرين أسحار وتقاطعنى والا سحابة عابرة في صيف .. وعين من معيان فيك فجعني .
*- يابعيد الدار واحشني كلامك .. بري طال وماجاني سلامك
*- وين ماالليل أيجيها تسيل فاقدة غالي عزيز عليها.. العين باكيه .
*- دورت فى شئ فى داخلى يزعلنى منك .. لقيت حتى الزعل فى داخلي راضي عنك
*- خليك بين الناس فاعل خير والعمر مهما طال راهو قصير .. خليك ديما صافي كيف العسل للناس حلو وشافي .. لا تهين غيرك لا شر اتكافي مهما حصلك من اقليل الخير ..ولا اتبع من باعك ولا تتكبر وللقول الصايب دوم حضر .. وخليك للمحتاج حاضر كيف الزهر فى موسمه يتناظر .
*- وين مايغيبوا مدة .. حالى غايتي ناخد نفس مانرده لين يرجعوا.
*- وحق الغلا ماتهون لا تنهان مادام عندي نبض فى الشريان ماننساك ولا نريد فى الغيه عزيز معاك .. مشغول خاطري بغية ربيع غلاك يانهر غامرني بسيل حنان ويهون كا العمر فى مرجاك .
*- يالولاف مازلتوا غوالي حتى كان ما جاب النصيب .. ويالولاف مايرتاح بالي نين العقل طرواكم أيجيب ..ويالولاف مانرضى ابوالي لا في يومنشتاقوا حبيب .. يالولاف يازهوت دلالي فيكم يوم ضني مايخيب .
*- ما انرافقوا غير زين ولد اجواد مرفوع شانه .. هذك يفهمك من غير تبين .. او يعرف دوانا او دانا .. ولا فى الملاطم ايلين .. ولا تجيك منه خيانة !
*- وين مانقول بننسى .. ايجي طيفهم يشغل حواسى الخمسة .. ايجى طيفهم يشغلني ويهجر عيونى النوم ويسهرني .. ويسيطر عليا احساس ويحيرني .. كيف ماسهرت الليل نصبح نمسى
*- مازلت مانك هاين دفنتك وسرك فى الجواجى صاين وحبك خفي فى القلب ماهو باين ينزف ومنك كاترات جراحه .. ومن القلب غا**** غلا ياحلو عشقتك وجيتك بكل صراحة ومازال فى مطراحة كيف مادفن صدام سر سلاحه غلاك دافنه .
*- ياجميل الطاري .. حقك عليا ما غلاك انوارى ولا خاطري يزها الا فى قربك .. ديما خيالك فى شريط افكارى .. وديما غلاك ايزيد فى اعجابك وديما اقدارك هالبات اقدارى .. وديما جوابي سابقا بجوابك .. وديما مراسيلك اتزيد اخباري .
*- عندي لها ميعاد وتاخد الليل ودمعها بداد العين فى البكاء عندي .. عندي لها تكسيدة من ساعة غروب الشمس للتمهيدة .. الناس راقدة ونا انقولنريدة .. وين قلت ننساه غلاه زاد.
*- مش كل من غاب نحسبله ويشغل الخاطر إغيابه .. ولا كل منحاز نتعبله ونقصد اديارة وبابه .. ولا كل ميعاد نرغبله وتغريني جلسة أصحابه .. ولا كل صوت تسمعه يسعد ايامك.
*- القلب عندك والعيون مشولك .. ومازال سلك الروح نبعثهولك.
*- تراييت نا والعين تحجر نظرها .. واتوقف مطرها عندى خير من تفقد بصرها!! اللي رحل ما عاد جاها .. وخانه غلاها ودار صوب غيرها جديد ونساها .
*- مازال قلبي بين حلم وذكرى .. مازلت عايش بين أمس وبكره .. مازلت عندي فى القديم حنين .. أشواق ايجني بين حين وحين.. شوق الطير اللي مهاجر وكره .. وين يخطرن.
*- مازال عندي ياعزيز أسرارك وديما مكانك مايطوله جارك .. مازلت فى تذكارك .. ومازلت عاشق فى سماع أخبارك.. ومازال طيفك فى المنام يشارك.. ومازال قدرك فوق من مقدارك .. ومازلت فى مرجاك .. ومازلت عليا بعيدة دارك .
*- لاتشيل هم السيه .. ولاتقول دنيي ضاقت اليوم عليا .. بعد تنعقد تنحل طيه بطيه .. وياتي الفرج فى وقت ماتدريه